අප අසරණ වෙලා වගේ හිතට දැනෙනවා

Image result for religions

“වෙලාව තමයි”. කුමන හෝ අභාග්‍යයක් අපේ හිස මත හිටි හැටියේ කඩා පාත් වූ අවස්ථාවක, ඒ සඳහා සාධාරණ හේතු කාරණාවක් දෙන්නට අපට නොහැකි වූ විට, අපි එසේ කියමු. සමහරු එසේ කියන්නේ ග්‍රහතාරකා අපල උපද්‍රව පෙර කරුමය නිසා එවැන්නක් මග හැරිය නොහැකි යයි සිතා විය හැකි වුව ද මා එසේ කියන්නේ මගේ හිත සනසා ගැනීමට ය.

නාය ගොස් පවුලක් ම නැත්නම් මිනිසුන් ගණනාවක් ම ඊට යට වූ විට පවා අප එසේ කියන නමුත් එයින් සැනසීමක් ලබා ගෙන පමණක් නැවතීම හරි ද?

නාය යෑම් නිසා විනාශ වූ ජීවිත ගැන අපට අසන්නට ලැබුණු ශෝක ජනක ප්‍රවෘත්ති මැද මට අතීත කතාවක් සිහිපත් විය.

එක්තරා ව්‍යාපෘතියක මා වැඩ කරන සමයේ රත්නපුරයේ නාය යෑමේ අනතුර ඇතැයි සළකුණු කොට තිබූ කන්දක පදිංචිව සිටි පවුල් කීපයක් මුණ ගැසීමේ අවස්ථාව මම ලදිමි. ඔවුන්ට සුරක්ෂිත ස්ථාන වල ඉඩම් ලබා දී තිබුන ද ඔවුන් ට පදිංචි තැනින් ඉවත් වන්නට කැමැත්තක් තිබුනේ නැති බව පැහැදිලි විය. අනතුරු පැහැදිලි කළ විට ඔවුන් දුන්නේ අපූරු උත්තරයකි.

“මහත්තයො මැරෙන්න තියෙනව නම් ඒක වළක්වන්න කාටවත් බෑ. කොහෙ හිටියත් මැරෙනව.”

මේ දෘෂ්ඨවාදය එන්නේ ආගම මෙහෙයවීමෙන් බව කියන්නට මම ඉක්මන් නොවෙමි. එහෙත් එහි අවිඥානක හෝ බලපෑමක් නැතැයි කිසිවෙකුට කිව හැකි ද?

උදේ හවස අහන ඔ්න ම දෙයක් උඩු හිතට නැතත් යටි හිතට වැටෙන එක වැළැක්විය නොහැකි ය. ඒක අපේ ජීවිතයේ ඉදිරි මග සකස් කරන ලස්සණ අන්දරයක කොටසක් වූ විට එහි බලපෑම කොහොමටත් පොඩි නැත.

බුදු දහමේ නියාම ධර්ම පහක් ගැන කියා ඇතත් මිනිසුන් බය කරන්නට හාමුදුරුවන් වැඩි පුර ම කැමති කර්මය යන නියාමය මතු කර සෙසු ඒවා නැති ගාණට ම දැමීමට ය. ඒ මිනිසුන් නියාමනය කළ හැකි හැඩ ගැස්විය හැකි එක ම නියාම ධර්මය එය නිසා විය හැකි ය. අනෙත් නියාම ධර්මයන් අපේ පාලනයෙන් ඔබ්බේ ඇති නිසා ය.

පෙර භවයක් හෝ පෙර භවයක කරන ලද කර්ම විපාකයක් හැටියට කිසිවක් වෙතැයි මා විශ්වාස නොකරතත් කර්මය එක් නියාම ධර්මයක් හැටියට මේ භවයේ කටයුතු සඳහා පිළිගන්නට මා ද සූදානම් ය. ඒ කර්මයට ම, කළ දේ මෙන් ම නොකරන දේ ද අඩංගු කිරීමට ඊටත් වඩා මා කැමති ය.

ඉතින් මේ උවදෙස් දුන් තැනැත්තා එය නොපිළිගෙන එතැන රැඳී සිටින්නේ නම් ඔහු හා පවුලේ අය මිය යන්නේ ඔහු විසින් නොකර ලද ඒ ක්‍රියාව (කර්මය) නිසා ය. ඒ උපදෙස් ලැබිලාත් එය නොපිලි ගැනීම හේතුවෙන් ය. මා කැමති මේ සිද්ධියත් කර්මයට එහි ඇති නෑ කමත් ඒ අයුරින් විස්තර කිරීමට ය.

අනතුරු ඇඟවීමක් නැතිව ම නාය යෑමක් නිසා ඔවුන් අනතුරට පත් වූයේ නම් එය ධම්ම නියාමයේ (ස්වභාවික සිද්ධියක) ප්‍රතිඵලයක් හැටියට දැක් විය හැකි වුව ද දැන දැන නොකර සිටීම නම් වැටෙන්නේ අඩුපාඩුවක් නැතිව ම කර්ම නියාමයට ය.

මෙය පැහැදිලිව කිව හැකි ස්වාමීන් වහන්සේලා අපට අද අවශ්‍ය ව තිබේ.

මෙය බෞද්ධයන්ට පමණක් අදාළ කරුණක් නොවේ. බෞද්ධයන්ට මෙය කර්මය නොහොත් කරුමය වන විට ක්‍රිස්තු භක්තිකයන්ට එය දෙවියන්ගේ කැමැත්ත වී තිබේ. වචන වෙනස් වුව ද දෘෂ්ඨිවාදය එක ය.

මේ කතාව කෝවිඩ් වලට ද අදාළ ය. එන්නත ප්‍රතික්ෂේප කරන අය හා සංචරණ නීති කඩන අය අතුරින් ඇතැම් දෙනෙකු ද වැටෙන්නේ මේ කියන දෘෂ්ඨි වාදීන්ගේ ගොඩට ය.

අපට පමණක් නොව කෝවිඩ් සම්බන්ධයෙන් නම් ඇමරිකාව ද අද මේ ප්‍රශ්නයට මුහුණ දී තිබේ. ඒ නිසා දෙවියන් අපට මොළයක් ප්‍රදානය කර ඇත්තේ භාවිතයට ගැනීමට බවත් එය භාවිතා නොකිරීම නිසා සිදු වන දේ දෙවියන්ගේ කැමැත්තට බැර කිරීම අසාධරණ බවත් පැහැදිලිව කිව හැකි දේවගැතිතුමන්ලා ඔවුන්ට ද අවශ්‍යව තිබීමෙන් පෙනී යන්නේ මෙය දේශීය ප්‍රශ්නයක් පමණක් නොව ගෝලීය ප්‍රශ්නයක් ද වන බව ය. ඒ තනි ආගමක ප්‍රශ්නයක් නොව බහු ආගමික ප්‍රශ්නයක් වීමට අමතරව ය.

One thought on “අප අසරණ වෙලා වගේ හිතට දැනෙනවා

  1. One rev. Father did a sermon in my hometown church about a man who refused to get into a boat while stranded on a rooftop surrounded by a flood.His reasoning was that God will save him.Ultimately the man died and saw God.He had asked from God why he wasn’t saved.God has told him that it was God that sent the boat and why didn’t he got into that.
    I reminded this to my old Aunt who refuses to get vaccinated.She remembers the story and agrees.She has some health reasons and worries that are kind of legitimate.But I also hate When our elders avoid facing things saying ‘That is God’s wish’.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s