ඔන්න බබෝ බිල්ලෝ එනවා. …… නැතිනම් අල්ලන් යනවා.

මේ දවස්වල බිල්ලෝ එන්නේ පෝලිමේ ය. බිල්ලන්ගෙන් අපත් රටත් රැක ගන්නට ඒ සමාන පිරිසක් පෝලිමේ එන්නෝ ය. ඒ අය ගැලවුම් කාරයෝ ය. නිකම් ගැලවුම් කාරයින් නොවේ. ජාතියේ ගැලවුම් කාරයෝ ය.

දෙදහස් පන්සියයක සභ්‍යත්වය සංස්කෘතිය ජාතියේ අභිමානය රටේ අනාගතය දරු පරපුර හා ආගම රැක ගත යුතු දේ අතර තිබේ. ඒ බිල්ලන්ගෙන් ය.

බිල්ලන්ගෙන් රටත් ජාතියත් ආගමත් රැක ගැනීම ඔය කියන තරම් අමාරු නැත. මේ ඊනියා ගැලවුම් කාරයින්ගෙන් රට රැක ගැනීම නම් ලේසි නැත. රැක ගත්තා යැයි කියන රට එසේ කිරීමෙන් පසු ගැලවුම් කාරයින්ට උගසට තැබිය යුතු නිසා ය. එහෙම නොකළොත් උන් ගැලවුමට එන්නේ නැත.

පොලී කාරයින් වගේම ය. පොලිය සැර ය. පරම්පරා ගණනාවකට ණය වීමෙන් මිසක ගෙවිය නොහැකි ය.

ඒත් ඉතින් රට ගැලවේ නම් ජාතිය ගැලවේ නම් ටිකක් ගෙව්වාම මක් වෙනවා ද?

එතැනින් ගැලවුම් කාරයින් ඉල්ලන දොල පිදේනි ඉවරයක් වෙන්නේ නැත. උන්ට ඕනෑ විදිහට ජවුසම් නටන්නට ද ඉඩ දිය යුතු ය. ගැලවුම් කාරයින් රජකර රට වැසියා උන්ගේ කීකරු යටත් වැසියන් බවට පත් විය යුතු ය. ගැලවුම් කාරයින්ගේ සියලු නොපනත්කම් මුවින් නොබැණ ඉවසිය යුතු ය.

ගැලවුම් කාරයින්ට විරුද්ධ වුවහොත් බිල්ලාට රට යන නිසා බිල්ලාට ද වඩා ගැලවුම් කාරයාට බියෙන් ජීවත් විය යුතු ය.

මෙය අප කුඩා කල දෙමාපියන් අප හා කළ සෙල්ලමක ස්වරූපය ගන්නේ ය.

ආපු බිල්ලෙක් නැත. එහෙත් බිල්ලා අපව කීකරු කර ගන්නට දෙමාපියන්ට පිටුවහලක් වුනේ ය. බිල්ලා නිසා දෙමාපියන් අපේ ගැලවුම්කරුවන් වූවා පමණක් නොවේ. ඔවුන්ට සුවච කීකරු ලෙස සිටින දරුවන් රැසක් ද ඒ සමගම බිල්ලා ඇති කළේ ය.

දැන් වැඩිහිටි වියට පත්ව සිටියදීත් අප තවමත් බිල්ලාට බය ය. ඒ නිසා දැන් අපේ අලුත් ගැලවුම් කරුවෝ එයින් ඵල ප්‍රයෝජන ලබති.

දෙමාපියන් නම් බිල්ලා භාවිතා කළේ අපේ පරිස්සමට ය. එහෙත් මේ ගැලවුම් කාරයෝ ඒක භාවිතා කරන්නේ උන්ගේ උන්නතියට ය.

පුංචි කාලයේ රැවටිල්ලට වඩා මේ රැවටිල්ල භයානක ඒ නිසා ය.

 

Advertisements

One thought on “ඔන්න බබෝ බිල්ලෝ එනවා. …… නැතිනම් අල්ලන් යනවා.

  1. Pingback: ඔන්න බබෝ බිල්ලෝ එනවා. …… නැතිනම් අල්ලන් යනවා. | සතුටු වැස්ස බ්ලොග් කියවනය

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s